Ur « rannvro » doull eo ar « Reter-Meur », re-bar da hini Broioù al Liger. Gant ar gouarnamant Ayrault eo bet savet e 2016 diwar deuziñ an Elzas, al Loren hag ar Champagn-Ardennes.
Hag evel Broioù al Liger e vez diaes dezhi bezañ karet gant an dud, Elzasiz dreist-holl hag a zo kar o bro. Setu perak he deus kavet ar rannvro un doare nevez da hoalañ ar geodedourien : plantañ panelloù e mont-treoù ar c’humunioù evit displegañ d’an annezidi e vez sikouret o c’humun gant ar rannvro. « Hag arabat lavar « nann » d’ar panelloù-mañ ! » gouez d’an emsaverien elzasien « a-hend-all ne vez ket roet ar « skoazell ». Ur redi eo. Hervez an emsaverien e koustfe ar c’houlzad kelaouiñ-mañ etre 1,26 ha 4 milion a euroioù ! Hag an ensavadurioù foran ha nompas kaout daou wenneg da deurel ouzh toull ur c’hi er mare-mañ !
Crédit photo : Emsav evit an Elzas
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
