Hag e vefe ar bed o treiñ sot da vat ? Muioc’h-mui a dud a vez kaset d’an ospitalioù psikiatrek hiziv ha feulsoc’h-feulsañ int. E Sant-Maloù, e ti ar re sot Yves Pelicier, burzhud eo na vefe ket lazhet unan bennak goude barrad follentez ha feulster un den d’ar 07 a viz gwengolo.
40 vloaz eo an den klañv e benn. Klañv diwar ar boeson hag an dramm ! Meur a wech eo bet kaset d’an ospitalioù psikiatrek ken feuls eo. An deiz-se e oa bet tañset gant ur c’hlañdiour peogwir e vutune butun-droll en e gambr hag e drafike kannab er servij ! Fulor ruz a grogas ennañ ha skeiñ a reas ouzh ar c’hlañdiour. O klask e vestroniañ, ur c’hlañdiour all a skoas e benn ouzh un armel hag un daol, hemañ zo c’hoazh ehanet.
Kaset d’ar c’homiserdi e klaskas ar penn-dramm en em lazhañ er gellig.! En aner, evit hen ober en doa kemeret e serr-krap.
Ne vir ket ouzh al lez-varn da vezañ istimet e oa e-tailh da vezañ barnet. Meur a venneg a zo war e roll lez-varn dija.
Da 6 mizvezh toull-bac’h er gêr, gant un dro-vrec’h elektronek, eo bet kondaonet a-benn ar fin !
Crédit photo : DR
