Muioc’h-mui a zisurentez a zo e Lambal, kêrbenn ar Pentevr, dreist-holl e kreiz-kêr ha tro an ti-gar. Ken ez eus bet kaoz eus ur “strategiezh tiriadel evit ar surentez ha diarbenniñ ar felliezh” evit an tri bloavezh a zeu er c’huzul-kêr d’an 23 a viz gwengolo. Lakaet e vo ar guzulierien da votiñ war ar strategiezh-mañ e 2025.
Hervez ar maer PS Philippe Hercouët eo kentoc’h Lambal ur “gêr sur” met ezhomm zo da lakaat ar pouez war an “diarbenn” memestra. “N’eo ket gwir” a respont Stéphane de Sallier Dupin, kuzulhier LR eus Lambal hag eilour ar c’hannad Korentin Le Fur : “laeroñsioù a zo, ar re ziwezhañ 15 deiz zo, straed Sant-Marzhin, an hañv-mañ, ez eus bet laeroñsioù e kirri-tan zo, anez komz eus an trafikañ dramm“. “Mui an trafikoù, an dud taget hag ar pennoù-boeson tro an ti-gar” a lavaras Caroline Mérian, kuzulhierez an tu-enep.
Da heul e 2025 pa vo votet ar “strategiezh” !
Crédit photo : DR (photo d’illustration)
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine