Gwelet ‘peus ar videoioù war ar rouedadoù sokial ma weler seurt zombioù dindan fentanyl, un dramm marc’had-mat 1000 gwech kreñvoc’h eget ar morfin ? Ur gwir poezon eo deuet da vezañ en SUA !
Erruet eo e Breizh ! E Sant-Nazer zo bet serret daou Jeorjian hag a glaske kaout louzoù diwar Fentanyl en apotikerezhioù gant ordrenañsoù faos pe laeret. D’ar 15 a viz mae 2023 e krogas an afer pa voe serret un den en un BMW du e Sant-Nazer. Piv e oa an den-mañ ? Ur jeorjian, dindan OQTF, o chom en Il-ha-Gwilun ma’z eus ur gumuniezh jeorjian niverus bremañ. Ur penn-dramm e oa ha klask a rae kaout e “lodenn”. Klask a reas an archerien mont pelloc’h rak lavaret eo bet dezho gant ar servijoù ispisializaet o doa kavet penn d’un trafik brasoc’h. 100 archer a oa o tibunañ ar gudenn. A-benn ar fin eo bet komprenet ganto e oa un trafik ramzel a Fentanyl er “C’hornôg meur”. D’an 10 a viz even e tivizas an archerien d’ober un taol ruz ha 15 den a voe serret, 13 anezho tro Roazhon.
A-benn fin ar c’hont zo bet lakaet dindan ensell tri Jeorjian hag a vefe e penn an trafik-mañ.
Daou anezho a zo en toull-bac’h da c’hortoz o frosez, an trede hini, ur vaouez, a zo bet lakaet dindan evezh barnerezhel.
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
