Emañ ti-post Lannuon o paouez bezañ renevezet. Met n’eus ger brezhoneg ebet ennañ ken ! Seizh vloaz zo e oa bet renevezet dija. D’ar mare-se e oa bet goulennet gant ar resever e vefe lakaet divyezhek an holl banelloù. War evezh e oa ar strollad Ai’ta er bloavezhioù 2010 hag aon o doa reseverien an tiez-post eus Breizh-Izel e vefe bet aozet ur “fest-deiz zaovaj” e kreiz ar sal gortoz e kenkas ma vefe leusket hor yezh a-gostez. Met n’eus ket mui eus Ai’ta bremañ hag ar gaochisted a zo e penn an Emsav evit ar brezhoneg a zo kentoc’h prederiet gant ar “ragañvioù” pe ar “problemoù jener” ha n’eo ket gant plas ar brezhoneg e Breizh-Izel.
Renevezet eo bet ti-post Lannuon met pegoulz e vo renevezet an Emsav evit ar Brezhoneg ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
2 réponses à “Ger brezhoneg ebet e ti-post nevez Lannuon”
Me ‘soñje din ivez e oa gwall vorgousket Aï’ta ha gant ar pennad-mañ a lavar ez eo marv n’on ket souezhet. Gant aozadur kleizelour woke “Gouel ‘broadel’ ar brezhoneg” e labour lod eus izili hag atebeien Aï’ta gozh, a soñj din.
Anat eo din a-hent all ez eus mizer bras evit kavout stourmerien er rummad yaouank-flamm. D’o oad e liven panelloù hent hardi. An dra-mañ a ziskouez n’eo ket gouest o emsavig da hoalañ an dud. O c’healiadurezhioù a varn d’ar marv hor bro tra ma n’eus framm ebet en Emsav brezhonek evit derc’houezañ ha bodañ an danvez stourmerien a yae d’ober an Emsav a raok emziskouezadur an UDB, treuzekemmet gantañ ar vroadelouriezh hengounel gant ur gelizelouriezh harloupet. Pell emaomp diouzh hor c’hazeg.
Pet den a implij ar brezhoneg bemdeiz e Lannuon ? Un nebeut e straed Ampère ?…
Pet den a skriv lizheroù e brezhoneg e Lannuon ? Ar memes re er memes straed ?…
Ofisiel ? Dav eo bezañ realist ha gwirvoudel zoken : komzet ‘vez ar yezh gant nebeutoc’h-nebeutañ a dud, siwazh !