E Douarnenez (Treboul kement ha bezañ rezis) zo ur “gumuniezh alternativel”. “Kumuniezh ar Roc’hoù Gwenn” an hini eo. Un “ekolec’h” a vez lavaret gant darn. Gaochisted o chom e yourtoù pe karavanennoù kozh, pep a gi gantañ, muzik, boeson ha traoù all.
D’an 31 a viz eost, tro 6e mintin, e tarzhas un emgann etre daou zen. Un eks-kampion kick-boxing hag un den all. Ar bokser a oa deuet da weladenniñ e vestrez kozh hag e verc’h o vevañ er gumuniezh. Eñ a oa bet skarzhet diouti rak re feulz e oa. Hag ouzhpenn-se e vefe paotr ar c’hokain.
Hervez meur a zen en doa ar bokser “spontet” ar gumuniezh e-pad bloavezhioù ha spontet kêr Douarnenez zoken abalamour d’e feulster. E berr komzoù : ur c’hampion !
An deiz-se ne voe ket degemeret mat er c’hamp. Unan eus e vignoned kozh, o well anezhañ, a dapas krog en ur gontell ha skeiñ gantañ. Leun a wad, leun a daolioù gontell e oa ar bokser. Ken e veze gwelet nervennoù e gein !
Met brud fall a zo gantañ ken e voe digor spered al lez-varn dimeurzh tremenet. Ur bloavezh toull-bac’h gant goursez en deus paket, mui traouigoù all.
Hag ur “bed nevez” dijabl diouzh ar “batriarkelezh”, ar “revelouriezh” hag ar “gouennelouriezh” eo seurt kumuniezhoù gaochist ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
