Betek pelec’h ez aio an “desaverezh pozitivel” ha “madelezhus” ? Gant lez-varn Naoned, d’an 22 a viz mae, ez eus bet kondaonet un tad hag en doa roet ur flac’had d’e vab.
E Puñsel e oa ar familh e miz gwengolo 2020 ha treuzet e oa bet an hent gant ar paotrig hep sellet a-zehou hag a-gleiz a-raok. Gantañ e daou vreur ha c’hoar ! En em lakaet en doa en dañjer neuze, eñ hag e re ! Ha koulskoude e oa bet lavaret sklaer gant an tad en a-raok e oa arabat dezho treuziñ an hent.
Ya met disklêriet e oa bet an tad gant skol e vab ! Ar vestrezed o doa kredet “saveteiñ ur bugel en arvar” dre bellgomz d’ar servijoù sokial moarvat. Tri bloaz goude setu an tad dirak ar barner… Gant ar vezh !
Ha piv eo an tad-mañ ? Hervez “L’Eclaireur de Châteaubriant” e tesav e vugale e-unan rak “aet eo kuit ar vamm” ha ganti forzh penaos ne oa tamm reolenn ebet er gêr. Bremañ e fell dezhi “adober he buhez en ur vro all” met hep he bugale. Ah ? Peseurt bro ? En tu-all d’ar mor kreizdouarel ?
Bremañ en deus aon an tad kastizañ e vugale hervezañ. Aon rak ar justis hag ar servijoù sokial.
A-benn ar fin eo bet kondaonet met diskarget deus e gastiz rak un tad mat eo. Ret e vo paeañ 500€ d’e vab disentus memestra.
Ha souezhus eo ez eus muioc’h-mui a vugale diseven hag hep tamm reolenn ebet er gevredigezh a-vremañ ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
