Na drist an traoù ! Skarzhet eo bet Antoine Kombouare, teknisian an FK Naoned anezhañ, gant Waldemar Kita d’an 08 a viz mae.
An holl aduerien a oare e oa ar C’hanak war var da vezañ digouviet abaoe drouziwezh ar Stad Bro-C’hall a-enep Tolosa. Abaoe tri miz n’en deus ket gounezet an FK Naoned hag emañ ar c’hlub breizhad en takad ruz abaoe disul tremenet ma voe trec’het an FCN gant Strasbourg.
Chom a ra 4 c’hrogad evit cheñch penn d’ar vazh. Evit saveteiñ ar c’hlub o deus anvet ar Gitaed Pierre Aristouy. Bet ganet ha maget e Mont-de-Marsan ha c’hoariet en FCN e oa Aristouy e karg eus ar skipailh 2 abaoe 2017.
Gouvezet e vez hiroc’h diwar-benn ar faezidigezh a-enep Tolosa e gourfen Kib Bro-C’hall : aet e oa ar c’hoarierien da riboulat en un toull-noz a-raok ha war-lerc’h ar match, da lavaret eo goude bezañ bet pilet ! Gant ar vezh-ruz !
Ha Kombouare e oa da skarzhañ pe ar skipailh a-bezh ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
