Nevezenti vat d’ar vretoned : Stal-levrioù a zo o vezañ digoret un tamm e pep lec’h er vro !
E bourk Speied e vo roet lañs d’ur stal-levrioù kevelourel a-raok nedeleg. E Monkontour, e Bro Menez, ez eus bet digoret nevez zo ur stal-levrioù, “l’abri des temps”, ma c’heller prenañ levrioù nevez ha levrioù kozh. Kement-all er Faoued (Kerne) gant ar stal-levrioù-tavarn le Temps de vivre hag e Gazilieg (56) m’eo bet lañset La Grande Evasion nevez zo. E Kastel-Briant (Bro-Vaez) ez eus bet digoret unan e miz even ha kement-all e Sant-Nazer e miz gwengolo gant “l’Oiseau Tempête“. E Aogan e kreiz ar Morbihan gallo, eo bet lañset “La Grange aux Livres” e miz here, just goude hini ar stal-levrioù “Ma Canopée” e Ploervael (Porhoët).
E Tregon (Bro-Gerne) e oa tro “Au quartier Lointain” e miz gwengolo hag e Pontekroaz e oa “la Pluie d’Eté” e miz gouere. E Douarnenez emañ Anne Robinson o paouez bezañ digoret “Les Plis dans la Page” gouestlet d’al “levrioù bev”.
Lazhit ho skinweler hag ho poellgomzer ha bec’h d’al levrioù !
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
