E miz gouere 2020 e klaskas ur vandennad torfedourien laerañ 14 paledad a bellomzerioù-hezoug e takad greantel Pégase e Lannuon. Resevet e oa bet ur pakad brav a bellgomzerioù gant un embregerezh hag a labour gant gourmarc’hadoù Breizh. Ha gouzout a ouze an torfedourion peseurt deiz rezis e tegouezhe ar pakad e Lannuon ! Siwazh dezhe, sonnet he doa ar vatailh ha prim evel an avel-gorbel e oa bet an archerien.
Ur meskaj etre « Brestiz » (‘fin, tud o chom ‘ba Brest) hag hailhoned an 9-3 e oa ar vandennad. En holl e oant bet kondaonet 40 gwech a-raok taol Lannuon !
D’ar yaou 21 a viz here en doa kroget ar prosez. Seizh den a oa dirak lez-varn Lannuon en holl, tri a oa en toull-bac’h, ar re all o doa gortozet o frosez er gêr.
A-benn ar fin eo bet skañv morzhol ar justis. Adal 12 mizvezh en toull-bac’h da 24 mizvezh ar c’hondaonidigezhioù. Gant kalz goursez ouzhpenn-se…
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
