Hervez ur gemenadenn skignet gant Douar ha Frankiz e vefe bet diskarget panelloù hent ha bourk e galleg dirak chapel Koad-Keo (hini treset gant James Bouillé hag urzhiadet gant an abad JV Perrot) d’an noz etre ar 21 hag an 22 a viz meurzh.
Ar strollad BGK (Brezhoneg Gallo Kaoz) an hini eo en defe graet an taol evit reklem panelloù e yezhoù Breizh (brezhoneg ha gallaoueg) e Breizh. Implijout a ra BGK ostilhoù kelaouiñ Douar Ha Frankiz evit skignañ e gemenadennoù.
Luzietoc’h-luzietañ eo bed ar strolladoù dre guzh evit yezhoù Breizh :
- BGK a stourmfe evit ar brezhoneg hag ar gallaoueg e pep lec’h e Breizh, met daoust hag e c’houlenn e vefe troet an anvioù-lec’h brezhonek eus Breizh-Izel e gallaoueg ivez ? (evel ma vez kont bremañ e Breizh-Uhel ma vez troet e brezhoneg an holl anvioù-lec’h gallaouek pe gallek gant emsaverien ar brezhoneg !)
- Ar Brigade Albert Poulain a stourm evit ar gallaoueg nemetken hag a-enep an anvioù-lec’h troet e brezhoneg e Breizh-Uhel.
- Keloù ebet eus Ai’ta hag a stourme evit ar brezhoneg e pep lec’h e Breizh hep mennegiñ ar gallaoueg.
Ouzhpenn-se, er mare-mañ emañ ar strollad broadelour eus an tu-kleiz pellañ War-Sav (strollad Anton Burel an hini eo) o staliañ folennoù A4 plastifiet divyezhek war plakennoù straed gant anvioù brezhonegerien brudet skrivet e galleg nemetken warno.
Illustration : Tapadenn skramm pajenn Facebook Douar ha Frankiz
[cc] Breizh-info.com, 2025 dépêches libres de copie et diffusion sous réserve de mention de la source d’origine
5 réponses à “Skrigneg (29) : panelloù e galleg diskarget dirak chapel Koad-Keo gant BGK”
Perak e Koad-keo ? Devoded d’an Aotrou Perrot e vijent ?!
@ T. Gwilhmod
Sur, n’eo ket dre zegouezh.
Perak ar banelle Sizun ? Ne gomprenan ket !
Ar banell…..Va digarezit !
Nann n’hellont ket bezañ devoded d’an Aotrou Perrot. Diskraket o deus al lec’h a-ratozh, kentoc’h, ur brovokasïon lu, bugelel.
Maz int evit ar panellerezh brezhonek ez alian dezho livañ ar panelloù en ur o lezel en o flas. klevet ‘m eus e oa efedus-tre meskañ 20 litrad koltar gant ul litrad neopren : n’eus ket moaien naetaat.