N’eus ket mui eus al « lusk » Breizh hon Dazont. « Marvleueet » evel vez lâret e Kreiz Breizh a-zivout ur vuoc’h hag he deus kollet he leue. Rannet e daou eo an danvez-emsav a oa bet savet gant Yvon Ollivier ha Caroline Glon ha div bajenn Facebook a zo hiviziken. Yvon Ollivier hag e re a zo aet d’o zu ha Caroline Glon d’an tu-all. Petra zo kaoz o deus tarzhet an traoù ken trumm ? Abalamour da brezegenn kannad ar PNB e Karaez disadorn tremenet. Aet e an tu-kleiz e fulor gant-se ha taolet ar bec’h war Caroline Glon tamallet da vezañ « eus an tu-dehou pellañ » evel just.
Drol eo kar sklaer e oa abaoe ar penn-kentañ e oa Caroline Glon ur vaouez eus an tu-dehou. Embannet he doa abaoe pell e felle dezhi mont war ar renk e Ar Baol e anv an tu-dehou. Met goude emvod Karaez e krogas ar Spont Meur gaochist d’ober e reuz : ur « faskourez » e oa deuet Caroline Glon da vezañ kar ne felle ket dezhi en em skourjezañ da vezañ bet er memes sal hag un den eus ar PNB.
Eus e du, en em zigereziñ a reas Yvon Ollivier peur ma c’hellas kuit da vezañ lakaet « faskour » eñ ivez gant chas-koloeg an Emsav ruz (pe kentoc’h roz pailhouroù bremañ). Gant-se eo bet savetaet e vrud-vat. E enor zo un afer all…
Bremañ e c’hello « Bretagne Notre avenir » kanal Yvon Ollivier sevel e brogram diazezet war sujidi muiañ-karet an Emsav : an « adunvanidigezh », an « emrenerezh », ar « sevenadur », « feur-emglev 1532 », « Ana Vreizh », « brezhoneg e pep lec’h » hag « istor Breizh ». Met ur blas a enep-faskouraj evel just !
Crédit photo : tapadennoù skramm pajennoù Facebook Caroline Glon hag Yvon Ollivier
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
