Ur « c’hartchier » eus Lannuon eo Ker-Uhel. Evit ar fiskoan e oa bet lakaet tan e daouzek karr-tan er c’hartchier-mañ. Ken fromet e oa an dud ma oa deuet Pauline Dubus, an is-prefetez yaouank eus Lannuon, da zivizout gant annezidi Ker-Uhel d’ar 7 a viz genver. Just a-raok e arrufe zo bet lakaet tan en ur c’harr-tan all, e kreiz-kêr ar wech-mañ, straed Penn-ar-Stang, nepell eus ar skolaj kozh Le Goffic. War a seblant ez eus tud o klask ober an heg d’ar stad ha d’an dud. Tud dichek hag hep tamm damant ebet !
Poliserien nevez a vo kaset da Lannuon evit sioulaat an traoù he deus embannet an is-prefetez.
Illustration : Pajenn Facebook Prefeti Aodoù-an-Arvor
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
