Piv vo maer nevez Gwitreg a-benn 15 devezh ? Ha piv a gemero plas Isabelle Le Callennec er C’huzul Rannvro ?
Isabelle Le Callennec, maer Gwitreg, he doa goulennet gant ar vretoned da votiñ eviti. Evit mont da vaerez Gwitreg ha prezidantez ar C’humuniezh-Kumunioù pevar bloaz zo ha neuze evit mont da guzulierez rannvro e 2021.
Er pedervet plas war listenn François-Xavier Bellamy e oa evit ar votadegoù Europa. Gouzout a ouare e oa ur chañs dezhi mont da Strasbourg. Graet eo ! Abalamour d’o 7% e c’hello ar c’hwec’h kentañ eus al listenn Bellamy da vont d’ar parlamant Strasbourg. Alese, e vo dileusket he respetoù e Breizh gant Isabelle Le Callennec. Piv a gemero he flas ? A-benn div sizhun e vo ret d’ar guzulieron Gwitreg dibab ur maer nevez.
Da c’hortoz ez eus peadra d’en em c’houlenn perak e vez lakaet o anv gant reoù zo ma ouaront e vo dileusket o c’harg a-raok fin o respet ? Petra e vo soñjet gant tud ar vro ? Da betra a servij an dilennadegoù lec’hiel ? Bezañ ur stleug evit ar re o deus c’hoant mont pelloc’h ? Setu politikachoù brein !
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
