Setu, deuet eo da vezañ an trafikañ dramm ur gennad ekonomikel evel ar re all. E Plelann-Vihan (« Pllelan » e galloeg), ur gumun eus Bro Zinan, e voe galvet an archerien e fin an hañvez 2023 en un ti. An diaoul oa o redeg en ti : Tadig ha mammig a oa oc’h en em gannañ ! Met pa erruas ar soudarded e welljont aferioù hag objedoù hag a lakaas anezho da soñjal e oa an tad un trafikour dramm. Kannab, butun-drol, koko, sigaretennoù a vil-vern, arc’hant forzh pegement :evel just rak gwerzhañ a rae e gaoc’h war internet, dre delegram. Hag e verre e voutik evel ur gwir embregerezh : luganioù brudañ, hewelioù sachañ evezh ha memes… kartennoù fealded !
Gant an trafikour e veze kaset e « varc’hadourezh » e Bro-Zinan a-bezh.
Ar sizhun tremenet eo bet kondaonet da 12 mizvezh toull-bac’h mui 6 mizvezh gant goursez. Dav e vo dezhañ gortoz un tamm evit adlañsañ e afer !
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
