E La Roche-sur-Yon, e Vañde, e miz eost 2021 e oa bet taget ur c’houplad a goñversanted vietnamian. Taolioù kountell a oa bet roet d’an daou goñversant onest ha gwir chas-labour anezho.
Met gant piv e oant bet kountellet e-giz se ? Gant pennoù touzet leun a gasoni ouzh « ar re velen » ? Gant emsaverien eus an tu-dehoù pellañ ? N’eo ket ! Gant un Tchetchen dindan dramm ha dindan OQTF ! Raksoñjet en doa e daol hag en doa klasket gloazañ don e viktimoù. Gloazañ pe gwasoc’h ken e oa leun a nerzh ar paotr an deiz-se.
En em anavezout a rae mat ar Vietnamian hag an Tchetchen rak an eil en doa graet an aluzenn d’egile, gwir ruz-botoù anezhañ. Met buan en doa komprenet ar Vietnamian e oa drammet ar paotr ha ne felle ket dezhañ reiñ arc’hant d’unan bennak evit prenañ drogach. An deiz a-raok an dagadenn en doa nac’het reiñ d’an Tchetchen 5€ evit prenañ butun droll. A-hed an noz en doa ribotet ar c’haokazian e benn gant se.
Antronoz e erruas dirak boutik ar Vietnamian ma oa o kafetañ ha dao ! Skoet gantañ div wech. Daou daol gountell, unan anezho en divjod. Degouezhout a reas gwreg ar c’hoñversant ha kountellet d’he zro !
Soudard eo bet an Tchetchen en e vro ha trelatet abaoe. Meur a wezh eo bet kaset da ospital ar re sot e Bro-C’hall. Kondaonet eo bet div wezh ha soutenet eo gant Emmaïs daoust dezhañ bezañ dibaper abaoe eizh vloaz.
Dañjerus eo dreist-holl pa ne gemer ket e louzoù. Met ne vir ket outañ da gemer a ra « louzoù » all.
D’ar 27 a viz du e oa an Tchetchen dirak lez-varn La Roche. Kondaonet eo bet da 6 vloavezh a doull-bac’h ha rediet da zistreiñ d’e vro. Eno e c’hello c’hoari kountell gant piv en do c’hoant. Met hag-eñ e vo lakaet er c’harr-ij evit gwir ? Se zo un afer all.
Ar c’houplad vietnamiz o deus dilojet ha graet annez e Bro Paris abaoe a dagadenn. Traomatekaet eo bet o bugale gant an afer, o merc’h henañ a dleas bezañ ospitalizet abalamour d’ar stress memes.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
