E miz gwengolo 2020 e voe devet penn ur paotr en ur saloñs ficher-blev eus Lannuon, ar « Gentleman » just e-tal an ti-kêr !
Petra oa c’hoarvezhet eta ? Da gentañ tout, dav eo lavaret ne oa penn kristen ebet a oare galleg er saloñs-mañ. Un Irakian e oa ar merer (stalioù all en deus e Breizh !) hag ul Libian an implijiad. Klasket o doa lakaat e pleustr un doare nevez da drec’hiñ ar blev : an « hentenn jipsian » an hini eo. Ur jel a vez lakaet war ar blev ha lakaet an tan e-barzh ! Hervez kont eo un doare da zifrizañ ar blev gloanek. Videoioù a zo war ar rouedadoù sokial ma weler pratikoù tan war o fenn.
Evel just, nag ar merer nag an implijiad o doa an disterañ diplom evit fichañ ar blev ha ne oa ket disklêriet al Libian d’an Urssaf. P’en doa lakaet al Libian tan ‘ba blev ur paotr eus Ploubêr ne zeuas ket a-benn da voustrañ ar flamennoù ha devet en eil derez e oa bet ar paourkaezh paotr e vlev gloanek. Ha muioc’h eget c’hwezh al losk a oa gantañ d’an deiz-se ! Ehanet e voe e-pad muioc’h eget 7 devezh !
Kaset dirak lez-varn Sant-Brieg d’an 21 a viz du n’eo ket bet kastizet start ar merer ! Goursez en deus bet ! C’hwec’h miz gant goursez evit an Irakian ! Al Libian a oa bet barnet e miz kerzu 2020 dija…
Hag ar memes deiz e oa barnet an Irakian evit bezañ sikouret Irakianed d’en em staliañ hep aotre e Bro C’hall. Un dek bennak en holl ! Un trafik e berr komzoù.
Ha moaien e vefe kas an den-mañ da zeviñ pennoù en e vro dezhañ ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “Afer « tan b’ar blev » e Lannuon, goursez evit ar merer irakian”
« C’hoarvezet » (« h » ebet war-lerc’h ar « z »)