Tiez-gwer bio ha n’int ket ekolo a zo anezho, da lavaret eo tiez-gwer tommet abominapl ma vez gounezet boued bio enno. Evel just ma’z eo bio al legumach n’eo ket ekolo tamm ebet ar mod d’o gouneziñ.
Setu perak o deus en em dolpet paizanted ar C’honfederasion Paysanne hag ar GAB22 (ar baizanted bio) d’an 13 a viz gouere e Tremereg en Daoudour (Bro-Zinan) evit sevel o mouezh a-enep ar « bio nann ekolo » produet gant an tiez-gwer tommet. Er gumun-mañ ez eus un atant bio, la Ferme du Coin, gant tiez-gwer met reoù ha n’int ket tommet. Atant dalc’het gant ur c’houplad hag a stourm evit ar « bio ekolo ».
Perak o deus ar baizanted bio savet o mouezh bremañ ? Peogwir eo bet aotret d’an 28 a viz even, gant ar C’huzul Stad, e vefe gwerzhet evel produioù bio ar frouezh hag al legumach produet e tiez-gwer tommet. Difennet e oa bet e-pad ur mare met torret eo bet an diviz gant ar c’huzul stad.
Aujourd'hui a #tremeureuc @AgrobioBretagne et la @ConfPaysanne de #Bretagne ont manifesté leur colère contre l autorisation des #serreschauffés en #bio.
Pour nourrir les territoires il faut des paysans, pour sauver le climat, il faut décarboner
1/2 pic.twitter.com/w2qMWMA8r1— jonathan chabert (@jonathanchaber1) July 13, 2023
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
