Arkea (mui un dra bennak)… Ma ! Echu gant ar stad Francis-Le Blé, bremañ e kanno aduerien an “Ultra” hag ar “Celtic” er stad Arkea (mui un dra bennak), diwar anv ar bank evel just. Embannet eo bet tout se d’an 12 a viz gouere e sez ar C’hredit Mutuel er Releg gant ar breudeur Le Saint, anezho prezidanted ar Stade Brestois, dirak un aridennad a bennoù bras hag a gazetennerien.
E 2027 e vo echu gant labourioù ar stad nevez hag a gousto 106 milion €.
Dav e vo kavout anv klok ar stad bremañ : diwezatoc’h e vo embannet choaz ar renerezh. Ha daoust hag eo bet dibabet da vat dija ? Hervez Denis Le Saint e c’hello an aduerien lavarout o soñj. Hag ur sondadeg a vo aozet ? Arkea a vo ‘barzh, se zo sur met ur ger all az aio gantañ : Arkea park ? Arkea Armoricaine ? Arkea Stadium ? Arkea Arena ? Ur gwir “foar an anvioù” eo deuet da vezañ ar rouedadoù sokial !
🏟 𝗟'𝗵𝗶𝘀𝘁𝗼𝗶𝗿𝗲 𝗰𝗼𝗺𝗺𝗲𝗻𝗰𝗲 𝗺𝗮𝗶𝗻𝘁𝗲𝗻𝗮𝗻𝘁 ! 🔴⚪@SB29 🤝 @cmarkea
🔜2⃣0⃣2⃣7⃣ pic.twitter.com/c6q4EzxHzh— Stade Brestois 29 (@SB29) July 12, 2023
Gant Denis Le Saint eo bet termenet ar pal da dizhout bremañ gant ar skipailh : erruout e top 10 ar c’hampionad Bro-Frañs ! Kalon vat !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
