Aon ruz o doa bet treizhidi ar c’harr-nij V72214 Naoned-Malaga eus ar gompagnunezh Volotea d’an 23 a viz mae : ur spagnol a glaskas digor dor ar c’harr war an nij ! Dramm a oa gantañ hag en ur « bad trip » e oa ! Da gentañ-holl e fellas dezhañ mont tre er c’hockpit en ur safarat ha neuze klask digor an nor. A-benn ar fin eo bet mestroniet gant treizhidi all ha distreiñ a reas ar c’harr-nij da Naoned, a-boan ma oa erruet eñ e Bro-C’hall (e Vañde kement ha bezañ rezis !)
Serret e voe ar Spagnol e aerborzh Naoned ha kuit ar c’harr-nij en-dro war-du Malaga ma erruas yac’h ha salv.
N’eo ket ar wech kentañ e c’hoarvezh seurt tra er c’hirri-nij. Peurvuiañ eo istrogelled boeson pe dramm ganto.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
