Pevar e oant en holl, geodedourien rouman met Rromed a vroadelezh. War 5 nozvezh etre miz genver ha miz c’hwevrer he deus ar vandennad laeret kantadoù a boellgomzerioù e Breizh hag e Bro-C’hall. E Liger-Atlantel hag Il ha Gwilun met ivez e Vañde, Maine-et-Loire, Sarthe ha Deux-Sèvres. Rak foetet o deus bro e-pad pemp nozvezh an diaoul-se ! Da gentañ holl e rejont ur razzia e Sant-Nazer ha Pornizh er stalioù Free ha MD Mobile. E Sant-Nazer e voe torret ar prenestr-stal ganto hag astenn o c’hraban war an hezougoù. Goude-se e kendalc’has ar preizherezh e Liverieg, Ankiniz, Genitieg hag e Bro-C’hall.
A-benn ar fin int bet serret gant an archerien d’an 09 ha 10 a viz mae er c’hampoù a weler a-hed an hent-tizh tro-dro Naoned. Arbennigourien ar poellgomzerioù lod anezho rak meur a wech int bet serret evit seurt aferioù.
D’an 11 a viz mae int bet kinniget da lez-varn Naoned met goulennet o deus un dale evit en em zifenn. E miz gwengolo e vo o frosez. Tri anezho a zo bet lakaet en toull-bac’h, unan a zo dieub.
Ha skarzhet eus hor bro e vint ma vezont kondaonet pe get ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
