Un diouer a vedisined bredvezegel a zo e bredospital Blaen. Abalamour da se eo bet dilamet 17 gwele, da lavaret eo ar c’hard eus holl weleioù ar greizenn. D’ar 27 a viz ebrel e loc’ho ur vanifestadeg eus ar blasenn Jollan de Clerville evit “saveteiñ ar greizenn”.
Rak n’eo ket bredospital Blaen ur greizenn dister. Gantañ e vez graet war-dro ar c’hudennoù piskologel war 55% eus tiriad al Liger-Atlantel ! Hag e Liger-Atlantel eo 50 gwele a zo bet “serret” abaoe daou vloaz.
Ha petra a vez graet gant pennadurezhioù ar yec’hed ? Netra evel just. Klasket e vez arboellet arc’hant, traken.
Ur galv a zo bet lañset gant ar sindikadoù : “tud ar vro, sikouret ac’hanomp. Kont a reomp warnoc’h evit bezañ ar 4vet galloud !”
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
