Ur goursez a 6 mizvezh toull-bac’h a oa war e chouk dija, tapet e vo gantañ 18 mizvezh ouzhpenn !
D’an 13 a viz even 2022 an den, ganet en Aljeria 44 vloaz zo, a oa mezv-dall ur wech ouzhpenn e bourk Blaen e Liger-Atlantel. Serret gant an archerien e kanas pouilh dezho par ma c’hellas a-raok bezañ kaset d’an ospital. D’an 29 a viz eost e oa prest d’en em lazhañ. Pellgomz a reas d’ar bomperien met pa arrujont e stlapas ur gountell warno ! E miz du e skoas gant daou gomper dindan boeson a oa en e gambr gantañ. Ur barrad a sotonioù hag a zegasas anezhañ dirak lez-varn Sant-Nazer.
Dispartiet (aet eo kuit e wreg), o pourmen e galite hag e feneantiz e straedoù Blaen, ur paour-kaezh eo deuet da vezañ, ar boeson eo e vestr.
En toull-bac’h e oa, chom a raio ennañ goude ar varnadenn.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
Une réponse à “Blaen (44) : ar penn boeson aljerian a chomo en toull-bac’h”
“O pourmen e galite hag e feneantiz” : da vihanañ oc’h fentus. Ret eo din anzav em eus c’hoarzhet o lenn kement-se.