Nebeutoc’h-nebeutañ a goñversoù a zo e kreiz-kêrioù eus Breizh. Hag unan nebeutoc’h a vo e kreiz kêr Felger. Abalamour da betra ? Abalamour da skloufoni ur parizian ha n’en deus foutr-kaer eus Breizh.
Daou vreur a zalc’he ur restaorant e kreiz kêr Felger : ar Saint-Leonard. C’hoant ganto cheñch buhez, o doa kavet un darbrener evit ar font koñvers : ur c’hoñversant all eus Gwitreg. Fellout a rae dezhañ staliañ ur vraserezh e-plas ar restaorant. Evit hen ober en doa prenet ul lisañs 4 (20 000€) ha pezhioù arrebeuri. Ne oa ket an daou vreur perc’henn war ar savadur, ar « mogerioù » avat.
Just a-raok sinañ, kelaouet eo bet ar prener hag ar gwerzher ne felle ket d’ar perc’henn e vefe treuzfeurmet ar restaorant e brezerezh. Hag ouzhpenn da se e lake kresk war ar ferm : +48% en un taol ! Torret ar werzh kerkent gant an darbrener anat. Ur parizian eo ar perc’henn, 28 embregerezh en deus etre Breizh ha Paris. A-benn ar fin e cheñchas mennozh hag e lavaras e oa akord gant al lisañs 4, met ne cheñchas netra. Ne felle ket d’an darbrener paeañ ur feurm ken uhel ha dreist-holl bezañ dindan ur kalon-arc’hant.
Chom a raio serret ar Saint-Léonard. Ur stal serret ouzhpenn e kreiz kêr Felger !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
