Tik eo Soren Zaug-Helmlinger gant an FC Naoned. Abaoe pell e ra war-dro ur c’hont Instagram gouestlet d’ar c’hlub mell-droad. A-raok e oa e karg eus an Tribune Nantaise, al lec’hienn gouestlet d’an FCN.
Kaset e oa bet war e gont ur post ma oa anv ennañ da sevel ur c’hoari 7 familh. Lisean e oa d’ar mare-se. Aet e oa un den e-karg eus ar marketing e darempred gantañ kerkent. Ha setu penaos eo ganet ar c’hoari !
Choazet zo bet d’ober ur c’hoari war istor ar c’hlub, gant c’hoarierien vrudet hag a zo chomet e-barzh istor an FCN abaoe 1965 : Blanchet, Arribas, Dessailly, Deschamps, Michel, Halilhodzic evel just !
War pep kartenn e kaver skeudenn ar c’hoarier, e bost, e niverenn hag ur bio.
E-barzh boutik an FC Naoned, ha war meur a lec’hienn internet, e c’heller prenañ ar c’hoari-mañ.
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
