Merc’hed zo a glask faoutañ o c’halon mod pe vod : ur gwaz, ur parizian, en e daou-ugent vloaz, trafikour dramm, 18 menneg war e roll lez-varn a oa o vevañ gant div blac’h etre Sant-Malo ha Paris. Un « trouplad » ma faotañ deoc’h. E 2018 en doa graet anaoudegezh gant ur plac’h en he 16 vloaz e Sant-Maloù. Drogach a veze gwerzhet dezhi gantañ. Buan-tre e cheñchas natur o darempredoù. E vestrez a zeuas da vezañ. E vestrez met ne oa ket an hini nemeti : hag eñ en e 38 vloaz e krogas da zaremprediñ ur plac’h all, 18 vloaz anezhi, er memes mare. Hag a-benn en em veskas an tri evit ober un trouplad etre Paris, Sant-Maloù, Kankaven.
E 2020 avat, unan eus an div vaouez a savas klemm ouzh ar paotr e lez-varn Bobigny, er Seine Saint-Denis : gouez dezhi e veze skoet gant ar C’hasanova. Met kenderc’hel a reas an traoù e-giz-se. Da c’houde ul laeroñsi en un davarn eus Sant-Maloù e vo serret an tri hag evit ar wech kentañ e vo anv eus an trouplad dirak ar boliserien. A-benn ar fin e lakaas an div blac’h ur glemm ouzh o marc’h-sailher evit bezañ bet « palforset » ha « skoet meur a wech » gantañ.
En toull-bac’h emañ Yann e vitrak abaoe bloavezhioù. D’an 20 a viz genver e tremenas dirak kambr-imbourc’h Roazhon evit bezañ dibrizonet. Ne vo ket a-benn ar fin : en toull-bac’h e chomo. Ur vestrez nevez en deus e Paris memestra !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
