N’hallo ket kêr Felger asañtiñ d’un donezon bet graet gant ur felgeriadez a-orin, an itron Simone Lambert, aet d’an anaon e miz ebrel 2021.
En he zestamant e oa bet skrivet ganti e legade he zaolennoù, engravadurioù hag oberennoù arz d’he c’hêr c’henidig gant ma vefe paeet gant ar c’huzul-kêr un overenn bop bloaz evit salvidigezh hec’h ene da zeiz ar Sant-Yann.
Ar pezh zo, hervez lezenn 1905 n’hall ket ur strollegezh foran reiñ an disterañ blank d’un iliz bennak. War-se n’hallo ket oberennoù arz Simone Lambert (istimet da 34 000€ memestra) chom e Felger. D’ar Stad Gall e vo roet anezho.
Crédit photo : DR
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
