Ur gêr katalanegour eus Sardinya (stad italian) eo L’Alguer. Hag e L’Alguer ez eus ul levraoueg katalan enni levrioù ha kazetennoù e katalaneg met ivez kentelioù katalaneg. E 1988 e voe savet “la Biblioteca Catalana de l’Alguer”. Siwazh, abaoe 2014 emañ berroc’h-berrañ an arc’hant roet gant an ti-kêr, betek lakaat diaes al levraoueg.
Evit he saveteiñ emañ an ONG gatalan Plataforma Per la Llengua o klask rastellaat gweneienn dre un arc’hantaouiñ a-stroll evit adprenañ al levraoueg hag modernizaat al lec’h ma vefe ur gwir greizenn sevenadurel ha yezhel katalan e kreiz-kêr. Lañset zo bet ur bajenn arc’hantaouiñ a-stroll gant ar pal rastellaat 30 000€. A-benn ar fin eo 36 725€ a zo bet rastellaet e-korf tri devezh ! Savetaet e vo “la Biblioteca Catalana de l’Alguer” !
Ur skouer evidomp-ni bretoned.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
