Partiet an traoù ! Galoweb a zo bet lañset d’ar 24 a viz mae e sez ar Rannvro e Roazhon gant Kaourintine Hulaud, kuzulierez rannvro evit ar gallaoueg, Lionel Buannic, patron LB Krouiñ ha Florent Grouin, anezhañ pennrener Brezhoweb ha Galoweb. C’hoar vihan da Brezhoweb eo Galoweb
Un dornad a rimadelloù kanet a c’heller gwelet dija war ar chadenn internet.
Ur program hirik a zo war ar stern ivez. Gant ur « gallaouegour yaouank » e vo kinniget hervez melestradur ar chadenn.
Hervez ar studiadenn bet graet e 2018, 200 000 den a oarfe gallaoueg e Breizh. Panelloù e gallaoueg e vez gwelet muioc’h-mui er c’humunioù eus Breizh-Uhel ha kentelioù noz a vez aozet amañ hag ahont. Ha dihunet da vat eo yezh roman Breizh ?
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
3 réponses à “Lañset eo bet Galoweb ar chadenn e gallaoueg penn-da-benn !”
« Ha dihunet da vat eo yezh roman Breizh ? » … Tamm ebet ! Ar wirionez eo e vez skoazellet 100 % Galoweb gant ar Rannvro. Ar sifr 200.000 a dud a oufe gallaoueg a zo kozh-mat hag a gonte ur bern tud n’int ket gouest da gaozeal, pell ac’hann. Ouzhpenn-se ez eo marv-mik an darn vrasañ eus ar parlantoù galoeg ha n’eus netra boutin etre hini Pordig ha Porneiz (lakaet e vije tud er parrezioù-se a oufe c’hoazh parlant ar c’hornad).
War Plum FM eo a-walc’h gouzout galleg evit kompren an abadennoù « gallaoueg ». Ur pezh gwikefre a-enep ar brezhoneg, yezh vroadel nemeti Breizh, eo torfederezh Paotred ar Galloegoù. Kroget eo bet e 1978 p’en doa tapet ar brezhoneg da gaout skoazelloù arc’hant gant Karta Sevenadurel Giscard. Evit reiñ d’ar brezhoneg e oa ret reiñ d’ar galoeg ivez eme din Marc Le Fur. Met e gwirionez n’eus ket a Emsav evit ar galoegoù, n’eus nemet tudigoù a denn splet eus berzh ar brezhoneg evit sunañ arc’hant diouzh ar Rannvro ha krouiñ diwar NETRA ur youl direizh da lakaat parlantoù da advevañ hep diabell-weled ebet. Ni paotred ar brezhoneg ne glaskomp ket lakaat parlantoù da advevañ. Labourat a reomp da lakaat da vevañ ur yezh wirion a Glison da Eusa evit an holl Vrezhoned a Vreizh uhel pe a Vreizh izel : n’eus forzh !
Kabidant ! Tepod Gwir blod ar jakobreizh gall a spered zo vont da fallaat !!!!!!!
Ne zegasit arguzenn ebet. Kunujenniñ ac’hanon a sach ar vezh warnoc’h.