Fatima, 35 bloaz anezhi, a zo bet kondaonet d’ar 5 viz genver gant lez-varn Felger. Tremen a raio ur bloavezh o prederiañ en toull-bac’h war ar pezh he deus graet un nebeut mizioù a-raok… ma vez serret anezhi, atav !
Rak n’eo ket Fatima dianavezet gant ar justis rak 13 menneg a zo war he roll lez-varn dija, ‘pezh n’eo ket fall, neketa ? E Felger d’ar 26 a viz gwengolo 2021 neuze he doa lammet gant ur paotr kozh a 82 vloaz evit laerañ digantañ… 4€ ! Skoet he doa gant ar paotr ampechet gant unan eus e vazh loaiek ha skilfet anezhañ da heul.
Met ne oa ket a-walc’h evit an nozvezh, goude-se Fatima a skoas ouzh kirri-tan parket e kreiz-kêr Felger. Sachet war ar c’hilsellerien, rifennet ar c’harrastellioù, 14 en holl a zo bet diheiliet ganti. Brav !
Serret e oa bet gant ar boliserien rak filmet e oa bet oc’h ober he reuz ha deuet e oa, un nebeut deizioù war-lerc’h er c’homiserdi evit sevel klemm rak laeret e oa bet diganti ur marc’h-houarn. Pa vez laeret al laerez !
A-benn ar fin, ne zeuas ket Fatima dirak al lez-varn d’ar 5 a viz genver evit klevet he fegement. Pelec’h emañ-hi ? En tu-all d’ar mor kreizdouarel moarvat…
Dleout a raio 11000€ d’he reuzidi met emañ bepred Fatima o vale d’an eur ma skrivomp ar pennad-mañ.
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
