Nerzhioù surentez Afrika-ar-Su a zo war evezh : nullet eo bet frankiz amplegadet ar prezidant kozh Jacob Zuma d’ar yaou 16 a viz kerzu ! Goude daou viz o straniñ en toull-bac’h e oa bet laosket da vont e penn kentañ miz gwengolo rak klañv-ki e oa (sañset). A-benn ar fin e tivizas al lez-varn meur e oa gwelloc’h e jeu ha dao d’an toull-bac’h en-dro !
Ur Zoulou eo Jacob Zuma bet kondaonet evit meur a zra, ar goubrenerezh en o zouez. Ha ne vir ket outañ da vezañ soutenet c’hoazh er C’hwazulu-Natal m’emañ al lodenn vrasañ eus ar Zouloued o chom.
E miz gouere e varvas 276 den pa voe kaset Zuma d’an toull-bac’h. Lazhet e oant bet er ravoltoù ha taolioù-dispac’h a zegasas freuz ha reuz er vro. Aon en deus gouarnamant ar « vroad ganevedenn » e vefe memes kont an taol-mañ c’hoazh.
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
