Kondaonet eo bet c’hwec’h paotr d’ar meurzh 07 a viz kerzu gant lez-varn Roazhon evit trafikerezh drammoù.
Etre Gwern-ar-Sec’h (Bro Roazhon), Landean ‘tal kichen Felger ha Ducey les Chéris e Bro-Normandi e tremene an heroïn. Lod o deus tapet 7 bloavezh a doull-bac’h lod all kastizoù gant goursez.
E penn an trafikerezh e oa daou vreur, Mohammed ha Rizk, eus Gwern-ar-Sec’h. Kroget e oa bet gante da drafikañ evit en em zizleañ. Dav e oa dezho paeiañ 180 000€ d’ur c’hañfard all. Gloazet e oa bet ar breur henañ d’un tenn pistolenn abalamour d’en dlee-se dija. Bruno, Sébastien, Jérémy ha Saab, penn-rener un embregerezh e Pont-Pagan, e Bro Roazhon, a zo bet kondaonet int ivez en afer trafikerezh.
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
