Fas koad er metoù dizalc’hour skosad abaoe disadorn dremenet : hervez ur sondadeg nevez, n’eus ket ‘met 48% eus Skosiz a votfe evit an dizalc’hiezh.
Ur sapre digresk e-keñver ar sondadeg diwezhañ bet graet e miz ebrel hag a roe 52% eus ar mouezhioù d’ar « Yes ». Reklem a ra Nicola Sturgeon, ministrez gentañ Bro-Skos un eil referendum a-benn 2023, pezh a zo bet nac’het mik gant Boris Johnson hag e vinistr Michael Gove. Hervez Dennis Canavan bet prezidant ar gabalerezh evit ar « Yes » e 2014 eo poent « cheñch penn d’ar vazh » evit an SNP. « N’eus ket mui plas evit al lezober. Arru eo poent da aozañ ur votadeg nevez » emezañ.
Crédit photo : DR
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
